هو انا بانشن بانه عين اثناء ممارسة رياضة القوس و السهم ؟؟؟

هو انا بانشن بانه عين ؟؟؟
اولا لازم تعرف ان كل إنسان عنده عين أقوى من التانيه و هى اللى بيلجاء ليها الجسم بشكل فطرى فى حاله انه حاول يركز على هدف معين ... طيب بتعرفها ازاى ؟
لو رجعت للصور هتلاقى اننا لازم بنعمل اختبار لاى لاعب فى البدايه و اسمه اختبار العين الساءده و ده عن طريق اننا بنطلب منه ضم الكفين جنب بعض و عمل بيهم فتحه صغيره كنافذه بتبص من خلالها على هدف أمامك بعد كده بنغطى كل عين لوحدها على التوالى و بنسأل فى كل مره ..ها شايف؟؟ لو كانت الاجابه اه ..تبقى العين المغطاة ليست العين الساءده اما لو الاجابه كانت لا ..تبقى العين المغطاه هى العين الساءده وده نتيجه ان جسمك بشكل لا ارادى حرك ايدكً بحيث يخلى الفتحه اللى بتبص منها على الهدف امام عينك الساءده اللى هى العين الاقوى
الموضوع ده بيفرق جامد فى النشان و كمان لازم تكون العين اللى هاتستخدم فى الرمى متماشيه مع اذا كنت ايمنً او أشول
فى الغالب اصحاب اليد اليمنى بيستخدموا العين اليمين اما اصحاب اليد اليسرى فبيستخدموا العين الشمال.. بالتأكيد فى استثناءات زى القدره على الروءيه بالاتنين .. او شخص ايمنً بيستخدم عينه الشمال بس ساعتها لازم هيدرب يستخدم العين الصح مع ذراعه ...انا عارف انى طولت و يارب أكون عرفت أوصل المعلومه ...